Ametsak gauzatzen

Durangoko 19. Euskal Dendak bihar, abenduaren 5ean, zabalduko ditu ateak.

Arbasok antolatuta edizio honetako slogana honakoa da: “Ametsak gauzatu” eta berriro ere Euskal Herriko artisautzaren erakusleihorik garrantzitsuena izango da. Bihartik eta astelehenera arte bisitariek Euskal Herriko edozein lurraldetatik etorritako artisauen lanak ikusteko aukera izango dute. Auten 50 artisauk parte hartuko dute. Arbasok leku berezia egingo dio okzitania kulturari, kultura gonbidatua da-eta.

Euskal Dendaren helburu nagusia artisautza tradizionala zein garaikidea bultzatzea eta merkaturatzea da, beti ere, Euskal Herrian egindakoaren zigiluaz. Profesional hauek biziraungo badute, behar-beharrezkoa da, krisi garaian, artisauen lana bertatik bertara ikusaraztea.

Bisitariak konprobatu ahalko du antzinako lanbideak oraindik bizirik daudela eta, era berean, artisau produktuak onak direla. Halaber, gure herriaren balio kulturak bultzatzeko eta garapen ekonomikoa sustatzeko modu bat ere bada, eta galtzen doazen ogibideak bizi-iraunarazteko. Hartara, ekimen honen inguruan, Euskal Herrietako artisautzaren eta antzinako lanbideen gailenak batuko dira.

Euskal Denda diruen bitartean, azoka-lekuan hainbat ekintza burutuko dira. Bisitariak aukera izango du jolasetan eta lehiaketetan parte hartzeko. Gazteenei tailer espezifikoak eskainiko zaizkie, bereziki eurentzat diseinatuak eta arrakasta handia dutenak, besteak beste, karameluak egitea edo zetazko zapia margotzea.